नेपाली हास्यव्यङ्ग्य अनलाइन पत्रिका

चेवन बस्नेत ठूलाघरे :

शोकले भड्किँदै भोकका तापले ।
रोगमा तड्पिँदै प्रेमका रापले ।।
दौडिँदै काखमा आउँछिन् यस्तरी ।
वृद्धमायाँ सधैँ लोककी मञ्जरी ।।१।।

दुःखले बेरिँदा आँसुका पोखरी ।
छल्किए टल्किए नेत्रमा बेसरी ।।
साँझमा रातमा सम्झियो भेट्दिन ।
वृद्धमायाँ मिठो बिर्सनै सक्दिन ।।२।।

दुःखले तर्सिँदा नासियो जिन्दगी ।
प्यारमा झुम्मिँदा भासियो जिन्दगी ।।
भाग्यले जोगियो धन्न यो साँझमा ।
वृद्धमायाँ मिठो दौँतरी माझमा ।।३।।

आउँदा जोसमा बिर्सने गर्दथ्यौ ।
छाउँदा प्रेमले धाउने गर्दथ्यौ ।।
साँझमा रातमा साथमा देखिँदा ।
वृद्धमायाँ फुल्यो कर्ममा लेखिँदा ।।४।।

दैवको खेल यो मित्रता झाङ्गियो ।
दुष्टका चाहना मार्गमै बाङ्गियो ।।
झस्किँदै मस्किँदै पासमा आउँदा ।
वृद्धमायाँ बढ्यो साथमा पाउँदा ।।५।।

०००