पदम भण्डारीताकपरे तिवारी, नत्र गोतामे हुन्
ताकपरे तिवारी, नत्र गोतामे हुन् कोहि नभए ओझा, हुन्छन् भण्डारीका ।
पदम भण्डारी :
सन्तान साह्रै सोझा, हुन्छन् भण्डारीका
सधैं रित्ता गोजा, हुन्छन् भण्डारीका ।१।
छलकपट तिकडम, नजानेसी त्यै हो
थोत्रा जुत्ता मोजा, हुन्छन् भण्डारीका ।२।
ताकपरे तिवारी, नत्र गोतामे हुन्
कोहि नभए ओझा, हुन्छन् भण्डारीका ।३।
पौडेलसंग बिहे, हुन्न भण्डारीको
दाहालहरु रोजा, हुन्छन् भण्डारीका ।४।
कडा मिजासका, कडा स्वभावका
बोली पिच्छे डोज, हुन्छन् भण्डारीका ।५।
स्वाभिमानका साथ, बाँचेकाले होला
धाक धक्कु पोज, हुन्छन् भण्डारीका ।६।
०००
चितवन
Subscribe
Login
0 Comments
Oldest
