नेपाली हास्यव्यङ्ग्य अनलाइन पत्रिका

डिल्लीप्रसाद मूलतिहुन :

के छ हाल ए बाह्र भाइ बा
फेरि के भयो लाग्छ मौनता
ओइरो कतै हाल्नुभो कित
गोप्य काम क्यै थाल्नुभो कित । (३४)

नक्कली कुरा जन्मिए अब
लाग्नुपर्छ बा मान्न उत्सव
लाख हैन बा बर्सिने धन
छन् करोडका नोट कञ्चन । (३५)

बा कमाउने होडमा पसौँ
तारतम्रीको तान यो कसौँ
कोष देशको रित्तिने गरि
हात कोच्नुहोस् आउने गरि । (३६)

चाल चल्नुहोस् धप्प बल्नुहोस्
निम्छराहरू मात्र दल्नुहोस्
यो समाजको सभ्य सभ्यता
मास्न सक्नु नै हुन्छ योग्यता । (३७)

घोच्नुपर्छ बा निम्न मानिस
गर्नुपर्छ बा सत्यको रिस
बाह्र ठाउँमा बार हाल्नुहोस्
बारमा अझै तार हाल्नुहोस् । (३८)

जे अमूल्य त्यो हात पार्नुहोस्
अन्यथा भए लात मार्नुहोस्
तान्नुपर्छ वा हान्नु पर्दछ
त्यो कुरा भने जान्नु पर्दछ । (३९)

पालना गरौं आफ्नु धर्मको
भेद छोड्नुहोस् लाज सर्मको
आफ्नु काममा लाग्नुपर्छ बा
अग्नि झै अझै जाग्नुपर्छ बा । (४०)

०००
ओखलढुङ्गा, हाल- चाँगुनारायण, भक्तपुर