नेपाली हास्यव्यङ्ग्य अनलाइन पत्रिका

भोलानाथ सुबेदी :

यसरी चोर भन्न कहाँ पाइन्छ
अरुमाथि दोष थुपार्न कहाँ पाइन्छ
भाग लगाएर बाँडेर खाएपछि
औँला सोझ्याउन कहाँ पाइन्छ
कसैले जोखेर खाए
कसैले खोसेर खाए
सित्तैमा आएको न हो
खान हुने पनि खाए
खान नहुने पनि खाए
खानेलाई त खन्चुवा भन्नु पर्ने
चोर भनेर बद्नाम गराए
कसैले औषधि खाको रे
कसैले प्लेन चपाको रे
सरकारी जग्गामा महल ठड्याएर
ससुरालीको दाइजो जमाको रे
यति साना कुरा गर्नेहरू
डाडुमा पानी तताएर मर्नु
अरुलाई चोर किन भन्नू
सक्नेले खाने हो
नसक्ने के खानु
नदी खाने
जङ्गल खाने
गिट्टी खाने
बालुवा खाने
कार्यालयका ल्यापटप
कम्प्युटर खाने
सबैले टनाटन खाएकै छन्
जाबो अलिकति खाने भाँती नमिल्दा
किन यसरी कराइन्छ ?
अर्कालाई चोर भन्न कहाँ पाइन्छ ?

०००
सम्पर्कः- ९८४३०५४१६१
ओखलढुङ्गा