कर्मचारी
सामान्य भन्छन् पद भष्ट धेरै भन्नेछ दादा सब नीति मेरै बनेछ ठूलो तर दाम सानो पुगेन खानै चुहिने छ छानो ॥ सन्तान पाल्दै परिवार पाल्न धपक्क छिर्छन् अधिकार गाल्न थोरै भए नी घुस लिन्छु भाइ अवस्य बुझ्छौ गर लौ भलाई ॥
इन्दिरा प्रयास :
कुर्सी समाए तर न्याय छैन
बिकेछ मान्छे कर मात्र हैन
पैसा बटुल्नै तल हात राखी
दिए तुरुन्तै अनि चेप्छ काखी ॥
खाजा चियामा कति खर्चिदैन
चिनेछ पैसा लत फर्किदैन
भन्दिन्छ व्यर्थै तब भोलि आऊ
भए रुपैयाँ अब झट्ट ल्याऊ ॥
पैसा भएमा सब काम हुन्छ
भएन पैसा बदनाम हुन्छ
भोका धसुल्ले उपहार भन्छ
सुटुक्क देऊ उपकार बन्छ ॥
बेला कुबेला घुस माग्छ भाइ
छ रोग कस्तो भनिदे मलाई
आए गएको कति दुःख छैन
छ देश रोगी मति फर्किदैन् ॥
सामान्य भन्छन् पद भष्ट धेरै
भन्नेछ दादा सब नीति मेरै
बनेछ ठूलो तर दाम सानो
पुगेन खानै चुहिने छ छानो ॥
सन्तान पाल्दै परिवार पाल्न
धपक्क छिर्छन् अधिकार गाल्न
थोरै भए नी घुस लिन्छु भाइ
अवस्य बुझ्छौ गर लौ भलाई ॥
०००
सानोठिमी, भक्तपुर