होम सुवेदीयस्तै चप्पल लाउँथे
नयाँ कार नयाँ गाडी फेर्न दैनिक हेर्दछन् कार मात्रै कहाँ हाे र ...नी पनि फेर्दछन् । तिनै छन् आजका राजा तिनै छन् देशका मुली देश उत्थान जाे गर्छ के त्याे हुन्छ र मामुली ?
हाेम सुवेदी :
देशै बेच्लान् भनेजस्ताे ठान्दछन् अधिकार छ
दुष्कर्मबाट जाेडेकाे सुनैकाे दरबार छ ।
तिनै नेता कुनै बेला यस्तै चप्पल लाउँथे
जनवादी मिठाे भाका हालेर गुन्गुनाउँथे ।
पाए खान्थे ढिँडाे राेटाे नपाए पटुका कसी
दुखीका घरमा पस्तै काम गर्थे घुँडा धसी ।
अहिले ती महाराजा बन्दैछन् भव्य दिग्गज
भान पर्दछ साँढे नै उघ्राएछ कि गज्गज ।
नयाँ राजा बनेका छन् भुरे र टाकुरेहरू
पजेराेबाट ओर्लन्नन् हिजाेका धतुरेहरू ।
साँढेमा र यता हाम्रो नेतामा छैन अन्तर
नेताका रूपमा हामी साँढे पाल्छौँ निरन्तर ।
गुफामा पहिले बस्थे अहिले दरबार छ
काँचुली फेरिएजस्ताे तिनकाे अनुहार छ ।
नयाँ कार नयाँ गाडी फेर्न दैनिक हेर्दछन्
कार मात्रै कहाँ हाे र …नी पनि फेर्दछन् ।
तिनै छन् आजका राजा तिनै छन् देशका मुली
देश उत्थान जाे गर्छ के त्याे हुन्छ र मामुली ???
०००
भद्रपुर, झापा
