नेपाली हास्यव्यङ्ग्य अनलाइन पत्रिका

साधुराम खड्का :

लोडसेडिङले उज्यालो पखालियो
मेलम्चीको पानीले सडक पखालियो
सदन चैं खै किन पखालिएन
सदनमा भएकाहरूको
टाउकै किन पखालिएन
निमुखा जनताको भाग्य पखालियो
नेताको सोच किन पखालिएन
साध्य र साधन मात्रै भयो
साधना गर्न ध्यानै दिइएन
महंगीले आकाश छोयो
राहत किन महसुस भएन
भ्रष्टाचार त राष्ट्रिय रोग भो
यसलाई किन पखालिएन
जति जे पखाले नि हाम्रो देशकाे
मुहार अनि हाम्रो भाग्य पखालिएन !

०००
बूढानिलकण्ठ, काठमाडाैं