नेपाली हास्यव्यङ्ग्य अनलाइन पत्रिका

भोलानाथ सुवेदी :

किन खोइरो खन्नु हुन्छ महोदय,
रुख काटेको हो
बाँदर काटेको होइन
त्यो रुख तपाईंंले रोपेको पनि होइन
त्यो रुख मैले रोपेको पनि हैन
त्यसमा तपाईंंको पनि हक छैन
मेरो पनि हक छैन
हाम्रो हक नभएपछि
त्यो बाँदर बस्ने कुरो हुँदैन
किन खोइरो खन्नु हुन्छ महोदय
भोट मागेको बाँदर लखेट्न हो
बाँदरले धेरै सताएपछि
रुख काट्ने नै हो
बाँदर मास्ने नै हो
बाँदरले हाम्रो भाग्य चिथरेको छ
बाँदरले हाम्रो भविष्य निमोठेको छ
बाँदरले गर्दा गाउँ छोड्नु परेको छ
बारी बाँझो राखेर माग्दै हिँड्नु परेको छ
बाँदरले पुच्छर ठाडो पारेर
राँके जुलुस लगाएको छ
हाम्रो पौरखलाई गिज्याएको छ
बाँदर उग्र भएपछि के गर्नु महोदय
बाँदरको पुच्छर काट्न सकिएन
रुख काट्नु परेको छ ।

०००
(९८४३०५४१६१)