ठाकुर बेलबासेलीला
अचेल म खोलाले पछार्दै किनारा फालेर क्रसरको घानमा पिसिँदै गरेका ढुङ्गाहरू हेरेर जिन्दगी बुझ्ने कोसिस गर्दै छु !
ठाकुर बेलवासे :
एउटै खोलाको पानीले लछारपछार गर्दै
बगाएका ढुङ्गाहरू
केही शालिग्राम बन्छन्
र मन्दिरमा पूजिन्छ्न
अरु बाढीमा बग्दैबग्दै किनारा फालिन्छन्
र मेसिनमा पिँधिएर धुलो बन्छन् !
नियति खराब भएपछि
सङ्घर्षले गन्तव्यमा होइन
अन्त्यमा पुर्याउँदो रहेछ !
अचेल म
खोलाले पछार्दै किनारा फालेर
क्रसरको घानमा पिसिँदै गरेका
ढुङ्गाहरू हेरेर
जिन्दगी बुझ्ने कोसिस गर्दै छु !
०००
काठमाडौं
Subscribe
Login
0 Comments
Oldest
