ठाकुर बेलबासेअपभ्रंश
म देख्दै छु तिम्रा आँखामा लोभको अन्त्यहीन हुरी जसका कारण तिम्रो विवेकमा अँध्यारोले उत्सव मनाइरहेको छ मनमा अहङ्कारको डढेलो जसका कारण तिम्रो अनुहारमा राकसी नृत्य नाचिरहेको छ !
ठाकुर बेलवासे :
पदोन्नति खोजिरहेको शिक्षकले
तिमीलाई निकै राम्रोसंग चिन्छ !
र तिम्रो तारिफ मात्रै गर्छ !
तर एउटा बिद्यार्थीले तिमीलाई चिन्छ कि चिन्दैन !
बढुवा खोजिरहेको एउटा सेनाको जवानले
आफ्नो सम्पूर्ण बल प्रयोग गरेर
तिमीलाई सलाम ठोक्छ !
तर सुरक्षा खोजिरहेका किशोरकिशोरीहरू /वृद्धवृद्धाहरू
तिम्रो पद र कामसंग परिचित छन कि छैनन् !
एउटा नैतिक पतन
विचौलिया कार्यकर्ता हरेक तिम्रा शब्दमा ताली बजाउँछ !
तर सिंगो देश बोक्न सक्ने
बेरोजगार एउटा युवाले तिमीलाई विश्वस गर्छ कि गर्दैन !
एउटा घुसखोर कर्मचारी
साँझ विहान तिमीलाई भेटेर भक्तिमा जड बन्छ !
तर सामान्य सेवा खोजिरहेका साधारण जनताले
तिमीलाई चिन्छन् कि चिन्दैनन् !
ऐश्वर्य र सम्बन्धका लागि
तिम्रो परिवारले तिमीलाई
भगवान ठान्छ !
तर समाजले
तिमीलाई मान्छे मान्छ कि मान्दैन् !
म देख्दै छु
तिम्रा
आँखामा लोभको अन्त्यहीन हुरी
जसका कारण
तिम्रो विवेकमा अँध्यारोले उत्सव मनाइरहेको छ
मनमा उर्लिएको अहङ्कारको डढेलो
जसका कारण
तिम्रो अनुहारमा राकसी नृत्य नाचिरहेको छ !
अझ
म देख्दैछु
चाकरी र चाप्लुसीको दलदलमा डुबेको
तिम्रो अनुहारबाट हराउँदै गएको एउटा मान्छे !
०००
काठमाडाैं
Subscribe
Login
0 Comments
Oldest
