नेपाली हास्यव्यङ्ग्य अनलाइन पत्रिका

डा. छायादत्त न्याैपाने :

अचेल मुस्किल छ परिभाषा दिन । काे कस्तो ? अनुहार सबै उस्तै,उस्तै हिजाेजस्तै ! शरीर भने अलिक पुड्का चेतनाजस्तै । हैन ! केभा कति पुड्किएका मान्छे ? किन यति साराे एक्लाएक्लै भौतिक सुख खाेजेका ?

छिमेकी वरिपरि त के कुरार्नु परिवारमा समेत बाँडिचुँडी छैन । उइ आराेप प्रत्याराेबाट वचन विपक्षी र चाँजाे मिलाउने कर्मचारीलाई बाध्य भएर भाग लाउने कुराे आफ्नाे ठाउँमा छ । हाेइन भने त गम्याङगुम्लुङ आफै आफै हसुरेर रमाउने बानीले कति धेरै मल पाछ क्या गौँडीकाे मुलाले झैँ । त्यो मुला मौलाउन कसले छेकेर छेकिने हाे र ?

हुन नि कस्तो हाेला क्या मान्छे मै हुँ भन्छ ! विद्वान् छ कुराकाे, काम गर्छ गन्थनकाे । ठुलाे व्यवहार गर्छ छलछामकाे । जसरी हुन्छ कमाउ धन्दामा व्यस्त छ । इमान, जमान चिन्दैन । साम दाम दण्ड भेदजस्ता सबै कलापारखी छ, यसमा त दक्षता कति हाे कति ! न.१ काे ठगबहादुर भएकोमा गर्व गर्छ ।

याे शकुनि संस्कृति पारख गर्ने ऊ कुटिल खेलमा दत्तचित्त छ । नैतिक मूल्य बेचेर धुर्त्याइँ किन्न उद्यत छ । नियमकानुन मान्दिनँ के गर्छस् भनेर खुलेआम चुनौती दिन्छ भन्या भाषा नि कति चट्ट मिलाएर बाेल्छ गाँठे ! राजनीतिकाे व्याज खाएर अघाउँदैन, पुगेन अझै खान्छु भन्छ । भित्र कतै लुकेर मान्छे किनबेच कलामा पनि निपुण ठहरिएको छ ।

हैन हाे ! देश र जनताको नाम बेचेर किन्या रक्सी र कम्मल किन नअघा हाेला खै के पस्यारहेछ कुन्नि त्याे भुँडियाँ ? उता आश्वासनका रित्ता पाेकासँग जनमानस झुक्याउने अधिकार साट्न भ्याउँछ । मादलकाे तालअनुसार कम्मर मर्काउने सिप भएसी त कुवाकाे भ्यागुतो झैँ कुवैमा उफ्रन मिल्नेरहेछ बाई ।

कस्तो निर्लज्ज के आमा चाेइटिएर दुख्ने आलाे घाउको दृश्यलाई नि रमिता ठान्छ । जनचेतना पनि कस्तो हाे यस्तै शासक लाेकप्रिय छ । के देखेर लाेभियाे आजकाे मान्छे ? यता यसकै पछि दौडिने भिडकाे बिगबिगीले निमुखाकाे जीवन त्राही त्राही बनाइरहेको छ ।

याे सुशासन र कानुनी राज्यव्यवस्थाकाे लागि भनेको विद्रोह पनि कता अस्तायाे कता ! न कतै मानवीय संवेदनाले म यहाँ छु भन्न सक्छ न मुख लुकाएर बेथिति उधिनेर मिल्काउने आँट गर्छ । कतै चेतनाकाे डालाेमा सिला उबाएर विमर्शकाे पखेटा चलाएकाे पनि देखिँदैन ।

भावनाकाे सामाजिक मूल्य च्यातेर अर्को बेथितिकाे बर्काे ओढ्ने दाउपेचकाे बिगबिगी बढ्दाे छ । आफै लड्ने भिड्ने साेझासिधालाई ठगेर माेटाउन पल्केकाहरूकाे अविवेकी हाेडबाजीले भत्काएको मर्यादा खै कहाँ बस्ला वास ?

लाेभ छ इतिहास लेख्ने ! काम गर्छ वैयक्तिक सुखसुविधामुखी । यसै सीमित छ । दाेषजति अरुलाई दिएर पानीमाथि ओभानाे रहेकाे अभिनय गर्छ । कहिल्यै कतै सिङ्गो जीवन रक्षा र समाजाेत्थानकाे सवालमा सिन्काे भाँचिएको छैन र कुनै दूरदर्शी याेजना पनि दिएको छैन । अस्तु ।

०००
पर्वत, हाल- काठमाडाैं