डा. छायादत्त न्यौपाने ‘बगर’सात फाँकी साइनो
जिन्दगी छ सबैको जिउने रहर उस्तै कति छन् जिउँदा खाेज्नु छ । उस्तै छैन संसार मनले व्यस्त छ मान्छे चटारो छ कुराखेतीकाे ।
डा. छायादत्त न्याैपाने :
१.
कतै छ मौनव्रत
कतै बढी बकबक
कतै पुरानै गनगन !
२.
यी सम्बन्धका रेखा
कमजोर बने कति ?
भाँचिए ठाउँ ठाउँबाट ।
३.
विराेध प्रिय मान्छे
कति सिपालु विराेधी
विकल्प शून्य छ विराेध ।
४.
जग खाेजौं उभिन
खनौं खेत भात खान
रमाऔ न जीवनसँग ।
५.
अभाव मास्छ बिउ
रबाफ ओकल्छ धुवाँ
जबाफ भाे विवेकहीन ।
६.
जिन्दगी छ सबैको
जिउने रहर उस्तै
कति छन् जिउँदा खाेज्नु छ ।
७.
उस्तै छैन संसार
मनले व्यस्त छ मान्छे
चटारो छ कुराखेतीकाे ।
०००
पर्वत, हाल- काठमाडाैं
Subscribe
Login
0 Comments
Oldest
