ठाकुर बेलबासेआमा र दु:ख
दु:खका सम्पूर्ण रूपहरूकाे दीर्घ तपस्विनी आमाको अनुहारमा आएर बसेपछि अँध्यारोमा राेइरहेकाे जून उज्यालो बन्छ ! आफ्नै रापतातले पग्लिदै गरेको घाम आमाको निधारमा ठाेकिएपछि शीतल बन्छ !
ठाकुर बेलवासे :
आमालाई दु:ख
अनि
दु:खलाई आमा किन यति धेरै मन पर्छ !
मानौ
दु:ख र आमा
आमाछोरी हुन्
नभेट्दा मन बेचैन हुन्छ !
म हैरान हुन्छु !
दु:खलाई आमाले जन्माउनु भयो कि दु:खले आमालाई !
मानौ दु:ख आमाको आत्मा हो !
आमा दु:खको शरीर हो !
आमाले दु:खलाई त्याग्नुहुन्न
दु:खले आमालाई छाेड्नै हुन्न !
दु:खका सम्पूर्ण रूपहरूकाे दीर्घ तपस्विनी
आमाको अनुहारमा आएर बसेपछि
अँध्यारोमा राेइरहेकाे जून
उज्यालो बन्छ !
आफ्नै रापतातले पग्लिदै गरेको घाम
आमाको निधारमा ठाेकिएपछि शीतल बन्छ !
दु:खको भयानक आँधीलाई
युगौं देखि काबुमा राखिरहनु भएकी
आमालाई सोध्न मन छ
आमा दु:खसँग तपाईं रूनुहुन्छ कि
तपाईंसँग दु:ख रून्छ !
०००
काठमाडाैं
Subscribe
Login
0 Comments
Oldest
