नेपाली हास्यव्यङ्ग्य अनलाइन पत्रिका

सुरेश राई :

कहिले शंकाको फ्रीजमा राख्छौ
र चिसो बरफ हुन्छु
कहिले रिसको हिटरमा सेक्छौ
र भतभत पोलिन्छु
कहिले भ्रमको माइक्रो ओभनमा हाल्छौ
र रिनिफिनी घुम्छु
कहिले खर्चको एटीएममा घुसाउँछौ
र कार्ड झैँ पातलिन्छु
कहिले सपनाको धागोमा बाँध्छौ
र बेलुन झैँ उड्छु

छन्छनी प्रिय छन्छनी !
यो मुटु पो हो मेरो
कुनै अचेत वस्तु होइन
थोरै दया त गर
थोरै माया त गर ।

(छन्छनी- कोरियन भाषामा बिस्तारै)

०००
बाम्राङ, खोटाङ, हाल द. कोरिया