नेपाली हास्यव्यङ्ग्य अनलाइन पत्रिका

सुभाषचन्द्र देवकाेटा :

उसको गठबन्धन मुर्दावाद।
हाम्रो गठबन्धन जिन्दावाद।

गठबन्धन तोड्नुपर्छ,
गठबन्धन जोड्नु पर्छ,
उसको भाग पुग्यो।
अब, हाम्रो भाग पाउनु पर्छ।

देश बनाउने होइन,
गठबन्धन नै बनाउने हो,
पालो पालो गरेर देशलाई निचोर्ने हो,
छोक्रा बनाउने हो !

उसले खानुसम्म खायो,
अब खाने पालो हाम्रो हो,
उसले सय क्युन्टल सुन खायो,
हामीले हजार क्युंटल खाने हो,
उसले सहकारी डुबायो,
हामीले देश डुबाउने हो,
ज्यानजाला,
अर्को गठबन्धन बनाउने हो ।

उ भन्दा हामी के कम ?
उसले चोरेको भन्दा हामीले बढी चोर्नुपर्छ,
उसले ठगेको भन्दा हामीले बढी ठग्नुपर्छ।
यहिँ जुनिमा देशलाई
पताल धस्ने हो ।
चोर गठबन्धन भत्काएर
ठग गठबन्धन बनाउने हो ।

तिम्रो गठबन्धन मुर्दावाद ।
हाम्रो गठबन्धन जिन्दावाद ।

०००
गाेरखा, हाल काठमाडाैं