अर्जुन दाहालजाेर कविता
शास्त्रमा नभेटिएका भगवानलाई मानिसले आफ्नो भक्तिले मन्दिरमा अवतरित गराउन सफल भएको देखेर उसले सम्पूर्ण भक्तजनलाई हार्दिक बधाईं तथा शुभकामना दियो ।
अर्जुन दाहाल :
योगा
राम्री तरुनी देख्दा
सासै थामेर बस्ने उसले,
विचार गर्यो,
सास थामेर योगा गरिएछ ।
योगा होइन तपस्यालाई प्राथमिकता दिने उसले
जिन्दगीभरि धेरै योगा गरेछ ।
राम्री देख्ने बित्तिकै
योगा गरिहाल्ने उसको
रोग नै योगा बन्यो
उपचार असम्भव भएको योगा ।
उसले योगा गर्ने बानी
कसैलाई भनेन ।
जय भक्तजन
उसले बोल्यो
संसारमा मन्दिर र मस्जिदको सङ्ख्या धेरै छ,
शास्त्रको भन्दा
बुझेर जाने भन्दा
नबुझी जानेको भीड छ ।
शास्त्रमा नभेटिएका भगवानलाई
मानिसले
आफ्नो भक्तिले
मन्दिरमा अवतरित गराउन सफल भएको देखेर
उसले सम्पूर्ण भक्तजनलाई
हार्दिक बधाईं तथा शुभकामना दियो ।
०००
झापा
Subscribe
Login
0 Comments
Oldest
