नेपाली हास्यव्यङ्ग्य अनलाइन पत्रिका

अर्जुन दाहाल :

उसले छेउको रक्सी बोतल पकड्यो
अनि बोल्यो
अब विदेश भ्रमणमा जाने हो,
अनि एकै घुटकोमा
घुटु घुुटु पिएर
बोतल रित्त्यायो ।
उसले बोल्यो
मैले एक बोतल भिसा लगाए ।
छेउको व्यक्तिले बोल्यो,
ऊ अब फ्लाईट- मोडमा छ,
अटो- पाईलट अवस्थामा
ऊ हिँड्छ, डुल्छ, गाउँदछ,
उसले लगाएको भिसामा
ऊ विश्वको सम्पूणर् देश भ्रमण गर्न सक्छ,
अनि चाहँदा
ब्रह्माण्ड पनि ।
छेउको अर्को व्यक्तिले त्यस पहिलो व्यक्तिलाई सोध्यो
“ऊ को हो ?”
त्यसपछि पहिलो व्यक्तिले बोल्यो
“ऊ ईश्वर को साक्षी हो,
एक चेतन र अर्ध- चेतन प्राणीको अवस्था
अब केही समय पश्चात
ऊ आफ्नो भिसा थप गर्न
फेरि यही आएर
अर्को बोतल पिउँदछ,
समाजको लागि
ऊ निरन्तर भिसा थप्ने
परराष्ट्र जानकार हो ।”
सबैले बोले
“भिसा जिन्दावाद” ।

०००
झापा