नेपाली हास्यव्यङ्ग्य अनलाइन पत्रिका

अर्जुन दाहाल :

पासवर्ड

बाबु आमा
आफ्ना छोरा छोरीको लागि
घोटिएर, पेलिएर
कर्म गर्दछन,
अनि छोरा छोरी चाहिँ
सामाजिक सञ्जालमा,
आफ्नो बाबु आमाको फोटो हाली
सञ्जालको प्रोफाइलको
पासवर्ड
आफ्नो प्रेमी प्रेमिकाको राख्दछन्,
त्यसैले मानिस बोल्दछन्
“पासवर्डले प्रोफाइल पुरा मात्र हुँदैन
परिवार सुरक्षित पनि हुन्छ,
सामजिक सञ्जालको परिवार“
समाज बोल्दछ
सुरमा ताल दिएर
पासवर्ड सुरक्षित राखौँ ।

व्यापार

उसले सरकारी अस्पतालमा
निःशुल्क उपचार गराएर
बिरामी भयो
अनि निजी अस्पातल गएर
आफ्नो रोगको उपचार गर्‍यो
शुल्क तिरेर ।
उसले सरकारलाई धन्यवाद दिनु कि
निजी अस्पातालका डाक्टरलाई
सोध्न मन्दिर गयो
यही पवित्र प्रश्न बोकेर
ईश्वरले उसलाई
रोग निवारण भएकोमा भने
“हार्दिक बधाई तथा शुभकामना ।”

०००
झापा