अर्जुन दाहालक्रान्ति, त्याग र सङ्घर्ष
उसले निष्कर्ष निकाल्यो चुरोट पिएर रक्सी खाने बानी विरुद्ध क्रान्ति गर्ने, उक्त बानीलाई त्याग गर्ने अनि सदैव त्याग्नको लागि सङ्घर्ष गर्ने ।
अर्जुन दाहाल :
उसले नेताले बोलेको भाषण सुन्यो,
जहाँ नेताजी बोलिरहेका थिए
“क्रान्ति, त्याग, र सङ्घर्ष…..।”
उसले नेतालाई हेर्यो
अनि आफु स्वयंलाई हेर्यो
उसले आफ्नो नशाको आदतलाई हेर्यो
अनि बोल्यो नेताकै बोली
“क्रान्ति, त्याग र सङ्घर्ष ।”
उसले निष्कर्ष निकाल्यो
चुरोट पिएर रक्सी खाने बानी विरुद्ध
क्रान्ति गर्ने,
उक्त बानीलाई त्याग गर्ने
अनि सदैव त्याग्नको लागि
सङ्घर्ष गर्ने ।
आफ्ना आदत विरुद्धको
क्रान्ति, त्याग र सङ्घर्ष ।
०००
झापा
Subscribe
Login
0 Comments
Oldest
