नेपाली हास्यव्यङ्ग्य अनलाइन पत्रिका

देवीप्रसाद मिश्र :

(देवीप्रसाद यसाे भन्छ)

सके ताप्न आगाे थलामा मुडाकाे
कुनै छैन सन्त्रास ठण्डा खुँडाकाे
सुने बात आराध्य मान्दै बुढाकाे
हुने जानकारी पुराना कुराकाे।।३६४।।

हियाेमा गढेकाे भनाई छ हाम्रो
गराैँ पालना मिल्छ आधार राम्रो
पुराना कुरामा बसेकाे छ सत्य
हुँदैनन् वयोवृद्धमा यी असत्य।।३३५।।

बुढा भावना मन्त्र जस्तै पवित्र
हुने गर्दछन् जानिए मार्गचित्र
सदाचार दृष्टान्तमा छन् अगाडि
नमानाैँ कसैले भएझैँ अनाडी।।३६६।।

कसैले सफा मार्ग आफ्नो भुलेर
हिँडेका कतै कामनामा डुबेर
यता देखिँदै छन् कुनै वृद्धवृद्धा
छ दुर्भाग्य यस्तो नहाेस् हे प्रबुद्ध।।३६७।।

समालून् सबैले सदाचार खास
वयोवृद्धमा गुम्न जाला सुवास
झुलाेस् साथमा बुद्धगामी प्रभात
यही साेचमा हिँड्छ देवीप्रसाद।।३६८।।
(क्रमशः)

०००
२०८०/३/१६