नेपाली हास्यव्यङ्ग्य अनलाइन पत्रिका

हाेम सुवेदी :

विदेशीहरूले चुसेकाे जुठाे हाे
डढेकाे खरानी भएकाे ठुटाे हाे
भरौटेहरू मान्दछन् याे छ साँचाे
कहाँ हुन्छ साँचाे महाकाे झुटाे हाे ।।

हजारौँ गुणा श्रेष्ठ त्याे पञ्चराज
थियाे शान्त सद्‌भावनाकाे समाज
कसैकाे जुठाे हालियाे संविधान
डुबायाे त्यसैले यहाँकाे जहाज ।।

निकम्माहरूले जुठाे मागिखाए
बसेकाे घरै जानिजानी डढाए
थियाे रत्नकाे स्रोत याे देशभित्र
धुपौरे भरौटेहरूले सुकाए ।।

सबै खेत बाँझै कता फल्नु धान
न दाना न पानी कहाँ धान्नु ज्यान
छ यस्ताे यताकाे उता छन् प्रचार
अघाइन्छ खाएर के संविधान ।।

०००
भद्रपुर, झापा