न फल्छ न ढल्छ

न फल्छ न ढल्छ

ऊ सँग प्रशस्त भ्रष्टचार गरेको मल पश्चिमा मुलुक र ठुलदाइको बल छ त्यसैले विपक्षी को पछि तान्छ र आफू अघि जान्छ अरुको किरा कमिला ठान्छ आफू पश्चिमाहरूको सूचना सुम्पेर उनै दिएको कलो खान्छ ।

बालकृष्ण खनाल

बालकृष्ण खनाल :

नेपालमा एउटा यस्तो दल छ
सधैँ पश्चिमा मुलुकको इशारामा चल छ
कमाउन सिपालु छ उसँग कमाउने
भ्रष्टचारको ठूलो पसल छ
जब चुनाव आउँछ
गुन्डा, भ्रष्ट, तस्कर, दलालहरू उठाउँछ
मनि मसल देखाएर चुनाव जिताउँछ
सांसद बनाउँछ सिंहदरबार घुसाउँछ
केन्द्रीय सुचना केन्द्रमा पुर्‍याउँछ
अनि संवेदनशिल सुचनाहरू
पश्चिमा मुलुक र ठुलदाइ समक्ष बुझाउँछ
अनि उनीहरूलाई रिझाँउछ
र यहाँको सरकार बनाउँछ
मनपरी शासन चलाउँछ
म कदापि झुठो बोल्दैन
पत्याउनुहोस्, साच्चै यहाँ एउटा त्यस्तो दल छ ।
न फुल्छ न फल्छ न सुकेर ढल्छ ।

फैलिएको छ झाङ्गिएको छ
तान्निएको छ कताकति बाङ्गिएको छ
तर पनि धान्निएको छ
ऊ सँग प्रशस्त भ्रष्टचार गरेको मल
पश्चिमा मुलुक र ठुलदाइको बल छ
त्यसैले विपक्षी को पछि तान्छ
र आफू अघि जान्छ
अरुको किरा कमिला ठान्छ
आफू पश्चिमाहरूको सूचना सुम्पेर
उनै दिएको कलो खान्छ
कर्मठ राष्ट्रसेवाको
वर्खास्त गर्छ
घुस्याहाहरू छानिछानी
लाजै नमानी
भन्सार मालपोत अन्तराष्ट्रिय विमानस्थलमा सरुवा
गरेर बढुवा गर्छ
यहाँ एउटा यस्त दल छ
न फुल्छ न फल्छ न सुकेर ढल्छ ।