नेपाली हास्यव्यङ्ग्य अनलाइन पत्रिका

माधव पाेखरेल गाेज्याङ्ग्रे :

शिक्षा शिक्षकले दिने चलन हाे साह्रै पुरानाे थिति
हाम्राे नीति सुधार ए जहरका मन्त्री र नेता जति
हाम्राे याे सरकार नै छ बहिराे सुन्दै नसुन्ने कुरा
शिक्षा छैन भने अचेत जनमा काे भर्छ मन्त्रै पूरा ।

शिक्षा कानुन मागमा सरहरू संघर्ष गर्दा भए
नेता नीति विहीन आज किन हाे? बेकार बन्दै गए
वार्तामा छलछाम हुन्छ जहिले ढाट्ने र ठग्ने कुरा
बाेली बेठिक भाे कतै नियममा शिक्षा बिनाका कुरा ।

शिक्षा छैन भने समाज बिचमा सारा अँध्याराे हुने
हाम्राे नीति छ ध्वस्त आज किन हाे? आकाश कैले छुने
कालाे बादल लाग्छ सागर भरी आकाश गर्जन्छ नि
नेता अैा सरकार भ्रष्टपतिका साँढे सरी हुन्छ नि ।

नेता वा अरु जाे सुकै मुलुकमा खै साथमा देखिने
कुर्सीमा छ अनेक खेल रमिता मन्त्री उता चाेखिने
नेेताका गफमा छ देश अहिले टार्ने कसाे संकट
हाम्राे कानुन नीति आज रमिता देखाउँदै लम्पट ।

अर्काे कानुन मागका विषयमा चासाे हरायाे किन?
शिक्षा शिक्षककाे कि वा अन्य जनकाे माैनी बनेकाे किन ?
मन्त्री जी लु जवाफ देउ छरिताे नेता भएकाे किन?
हाम्राे माग पुरा हुँदैन त भने सर्कार छाेटाे दिन ।।

०००
गाइघाट, उदयपुर