नेपाली हास्यव्यङ्ग्य अनलाइन पत्रिका

हाेम सुवेदी :

घुसखाेरे अरिँगालले सारै चिलेर
ताछतुछ पारी सबैतिरबाट छिलेर
काले गोरे गोरे काले दुबै मिलेर
पानी पुरी जस्तै खाऊन् देश निलेर
हाहाहा कुर्र हाहा …..

मलेसिया पुगी कान्छाे काेदो राेप्तै त
जेठाे छाेराे उतै जान साइत छोप्तै छ
सौदी पुगी बुहारीले नानी पाउँदै छे
कतारमा मेरी बुढी पोछा लाउँदै छे
हाहाहा कुर्र हाहा …..

भाेक राेग साेक लागे पेट कसुँला
थाप्लामाथि खरानीको विभुत घसुँला
रेमिट्यान्स भए पछि अरू चाहिन्न
म बुढाकाे के काम भाे र घरै बसुँला
हाहाहा कुर्र हाहा….

बार पढ्दा पढ्दै नाति घर छाेड्नेभाे
उतै पुगी उस्ले पनि ब्वारी जाेड्ने भाे
कुरा गरिसाध्य पनि अब कहाँ छ
कान्छाे नाति पनि उतै माेकै गाेड्ने भाे
हाहाहा कुर्र हाहा …..

जेठाे भान्जो कतारमा राम्रो हली छ
ज्वाइँको भने क्यानाडामा ढलिमली छ
छिमेकीकाे छाेराे उतै बाहुवली छ
छोरी ऐले सुडानमा मखमली छ
हाहाहा कुर्र हाहा …..

घुसखाेरे अरिँगालले सारै चिलेर
ताछतुछ पारी सबैतिरबाट छिलेर
काले गोरे गोरे काले दुबै मिलेर
पानी पुरी जस्तै खाऊन् देश निलेर
हाहाहा कुर्र हाहा …..

०००
भद्रपुर, झापा