नेपाली हास्यव्यङ्ग्य अनलाइन पत्रिका

गाेपेन्द्रप्रसाद रिजाल :

अचेल,
भिर्नु नै छ कोट
धेरै भएथ्यो
सिँगौरामा सिउरिएको
अलि अलि
ढुसी उम्रेको मेरो कोट
दाहिने गोजिमा
कर्तव्य छोराछोरिको
देब्रे गोजिमा
जिम्बेवारी बाबुआमाको
र
माथ्लो गोजिमा
सिङ्गो देशको न्याय बोकेको
यो कोटमा
किन?
कुनै गोजिमा
साङ्ग्लाका बच्चाहरु
झिँगा,भुसुना
अनि कठालोमा
सुलसुले र चुम जुम्राहरु
सल्बलाउँछन
अझै
देश बोकेको माथ्लो गोजिमा
ठुस्स गन्हाउने
उडुसका माउ र बच्चाहरु
गन्हाउँछ्न
यो कतै देश गन्हाएको
न्याय मरेको
वा मारेको त होइन

रंग बदले पनि
ढंग उस्तै बैशाखी टेक्दै
लख्रयाक लख्र्याक
हिँड्यो भने
अर्थ मर्छ नै
कालो कोटको
न्याय लुक्छ नै
मेरो देशको ।।

०००
२०७८/०७/२९
रातो पुल ।