नेपाली हास्यव्यङ्ग्य अनलाइन पत्रिका

गाेपेन्द्रप्रसाद रिजाल :

यो स्खलित समय,
आफ्नै बेगमामात्र बग्न खोज्छ ।
आफनै दुना टपरी भर्न खोज्छ ।
यो च्यातिएको समय,
धुजा परेको प्वालबाट
मेरोमात्र टाउको ताक्छ
बेला बेला गुणगान पनि भाक्छ !
अनि,
भित्रभित्रै जाल थापेर
मलाइ त भुरा पो ठान्छ
यो, पोष्ट बिनाको
मैदान जस्तो समय
मलाइ भकुण्डो ठान्छ
अनि, प्रत्येक प्रहारमा
उस्कै तर्फ गोल गर्न खोज्छ ।
लाग्छ उसका लागि म,
भुरा हुँ, भकुण्डो हुँ
र
लाखेनाचको मखुण्डो हुँ !!!

०००
मैतीदेवी, काठमाडाैं