राजेन्द्रप्रसाद अधिकारीके नाम लिनु व्यर्थै ?
के सोध्नु ख्वै ! कहाँ गयो चेत र चेतना ? के भन्नु ख्वै ! कहाँ गयो भाव र भावना ? के हेर्नु ख्वै ! कहाँ गयो विवेक र वेदना ? के सुन्नु ख्वै ! कहाँ गयो संवेग र संवेदना ?
राजेन्द्रप्रसाद अधकारी :
फुटेकाहरु नै जुट्ने हुन्
जुटेकाहरु नै फुट्ने
एकता गर्नेहरु नै त ए कता हुने हुन्
ए कताहरु नै फेरि मिल्ने
तासका जोकरहरु नै हुन्
जो जता राखे पनि हुने
सर्कसका जोकर झन् भयङ्कर
लाज शरम क्यै नहुने
यी नेताहरुको त के कुरा गर्नु
काग‚ कुकुर वा गधा
के नाम लिनु व्यर्थै ? निर्दोष पशुहरु
जो बरु देखिने मानिस जस्तै
के सोध्नु ख्वै ! कहाँ गयो चेत र चेतना ?
के भन्नु ख्वै ! कहाँ गयो भाव र भावना ?
के हेर्नु ख्वै ! कहाँ गयो विवेक र वेदना ?
के सुन्नु ख्वै ! कहाँ गयो संवेग र संवेदना ?
०००
२०८२ मंसिर ८
चण्डाेल, काठमाडाैं
Subscribe
Login
0 Comments
Oldest
