होम सुवेदीफित्कौली गीत
पाङ्दुरकाे नाभाे खेती धेरै गरियो मरु भूमिभित्र काेदाे धेरै छरियो दिमागको डाइबरले उल्टाे हाँकेछ मेरा लागि धेरैतिर बेल पाकेछ बेल पाकेछ राजै बेल पाकेछ मेरा लागि धेरैतिर बेल पाकेछ ।।
हाेम सुवेदी :
लेख्ने पढ्ने बानी पर्यो मैले के गर्ने
पाखातिर छिटै मास मैले के छर्ने
साहित्यले मलाई खाल्टो मुनि जाकेछ
मेरा लागि धेरैतिर बेल पाकेछ ।।
लेखी लेखी काेही काला साहू भएछन्
सत्तालाई पल्टाउन सक्ने रहेछन्
अर्कातिर ताक्छु भन्थेँ यतै ताकेछ
मेरा लागि धेरैतिर बेल पाकेछ ।।
बाँदरले नरिवल पाई के गर्छ
उसले दौरा सुरुवाल लाई के गर्छ
लेख्ता लेख्तै मेराे दिमाग सारै थाकेछ
मेरा लागि धेरैतिर बेल पाकेछ ।।
पाङ्दुरकाे नाभाे खेती धेरै गरियो
मरु भूमिभित्र काेदाे धेरै छरियो
दिमागको डाइबरले उल्टाे हाँकेछ
मेरा लागि धेरैतिर बेल पाकेछ
बेल पाकेछ राजै बेल पाकेछ
मेरा लागि धेरैतिर बेल पाकेछ ।।
०००
भद्रपुर, झापा
Subscribe
Login
0 Comments
Oldest
