दिव्य गिरीसधैं लुकेर खायौ
नकचरो भएपछि लाज सरम पच्दोरहेछ खानै पाएपछि सारा बस्त्र खोलेर खायौ ।
दिव्य गिरी :
झुटको खेती सजिलो, झुट बोलेर खायौ
विकास भन्दाभन्दै देश नै पोलेर खायौ ।
तिमी भन्दा महान यो संसार अरू को छ ?
कहिले दायाँ त कहिले बायाँ फर्केर खायौ ।
भ्रष्टाचार र अपराध ढाकछोप गरिरह्यौ
अरूले देख्लान् भनी सधैं लुकेर खायौ ।
जनता सोझा हुँदा लाभ तिमीलाई भयो
पटकपटक सत्तामा बसेर तौलेर खायौ ।
नकचरो भएपछि लाज सरम पच्दोरहेछ
खानै पाएपछि सारा बस्त्र खोलेर खायौ ।
०००
ललितपुर
पुस ६, २०८२
Subscribe
Login
0 Comments
Oldest
