नेपाली हास्यव्यङ्ग्य अनलाइन पत्रिका

गायत्री परिरोशनी :

गुलाबको फूलसँग प्रेम साट्ने अरे
माया गर्छु तिमीलाई भनी ढाँट्ने अरे ।
सस्तिएको छ भ्यालेण्टाइन डे हाटबजार
मत्र एकपटक अर्कैका जोईपोइ चाट्ने अरे ॥

म त तिमी बिना मर्छु प्रिय भन्न नबिर्सनु
कतिवटा भए आफ्नो/आफ्नी गन्न नबिर्सनु ।
शंकाले लंका जलाउँदै मस्त खुलेर जिउनु
प्रेमी/प्रेमीका किन्ने बाटो खन्न नबिर्सनु ॥

मुख माथि र तलका चिज नउम्रदै ठूला हुन्छौँ बरै
माया, प्रेम, यौनको औकात नबुझ्‌दै छुरा हुन्छौँ बरै ।
आधुनिक संस्कृतिले सभ्यता बेच्ने इमान्दार हामी
साम, दाम, दण्ड र भेद मिसाएर पुरा हुन्छौँ बरै ॥

०००
स्याङ्जा