सुभाषचन्द्र देवकाेटाम हार्न तयार छु
बरु म हार्न तयार छु। विभीषण बनेर आफ्नै देश खरानी पर्नुभन्दा पूर्खाको विरासतमा बन्चरो हानेर कुर्चीमा उक्लिनुभन्दा बरु म हार्न तयार छु।
सुभाषचन्द्र देवकाेटा :
ढाँटेर जित्नुभन्दा
ठगेर जित्नुभन्दा
बरु म
हार्न तयार छु।
देशको धुरी भाँचेर शत्रु हँसाउनुभन्दा
स्वधर्म त्यागेर परतन्त्र स्विकार्नुभन्दा
बरु म
हार्न तयार छु।
पराईको दास भएर बाँच्नुभन्दा
देश पोलेको आगो ताप्नुभन्दा
बरु म
हार्न तयार छु।
अर्काको गोडामा उभिएर अग्लो हुनुभन्दा
अर्काको रंगामा रंगिएर राम्रो हुनुभन्दा
बरु म
हार्न तयार छु।
विभीषण बनेर आफ्नै देश खरानी पर्नुभन्दा
पूर्खाको विरासतमा बन्चरो हानेर कुर्चीमा उक्लिनुभन्दा
बरु म
हार्न तयार छु।
म घोषणा गर्छु
चुनावमा म हार्न तयार छु।
एकपटक होइन, हजारपटक हार्न तयार छु।
तर, देश हार्न दिनु हुन्न
यसमा म सचेत पनि छु।
देशको स्वतन्त्रता हार्नु हुन्न
यसमा म प्रतिबद्ध पनि छु।
जय देश, जय नेपाल।
०००
गाेरखा
Subscribe
Login
0 Comments
Oldest
