नेपाली हास्यव्यङ्ग्य अनलाइन पत्रिका

रामदेव पाण्डे :

भ्रष्टाचार नगर्ने दल भन्छन् मान्छे धेरै
भोट दिँदा राजमोलाई दिन्छन् तर थोरै

बिजुच्छे झन् कति राम्रा भन्ने गर्छन् धेरै
मजदुर किसान पार्टीलाई दिन्छन् मत थोरै

राजा आए बच्छ देश नारा लगाउँछन्
राप्रपालाई जहाँ भेट्यो त्यहीँ हराउँछन्

द्वन्द्वात्मक भौतिकवाद पढाउँछन् तर
मन्दिर मस्जिद चर्च नजाने कम्युनिस्ट छ र ?

चोरले चुनाव जित्यो भने छानबिन गर्छ अरे
आयोगको मुख्य मान्छे आफैं हुन्छ अरे !

भन्ने एक गर्ने अर्कै नेता जस्तै जनता
एउटालाई मक्ख पारी भोट दिने अन्त

खाई निम्तो पत्याउनु भन्नुहुन्थ्यो बाले
आश गर्नु भर नपर्नु नयाँ पुरानाले !

०००
काठमाडाैं