नेपाली हास्यव्यङ्ग्य अनलाइन पत्रिका

गायत्री लम्साल :

आफूलाई गतिलो ठानी अरुका कुरा काट्छ मान्छे
वास्तविकता लुकाउँदै आफूले आफैलाई ढाँट्छ मान्छे ।
आडम्बरको अगुल्टो बलेपछि निभाउन सकिन्न साथी
नैतिकता सित्तैमा बेचेर कुरा आदर्शको छाँट्छ मान्छे ॥

विदेशी ब्राण्डको जेन जी बाजा बजाउँदै चुनाव आयो
मिडियाका हारजितले कुरा कम्पनीमा जागिर खायो ।
नेपाली हौँ आफ्‌नोलाई राम्रो नभनेर कहाँ छोडिन्छ र ?
परिणाम कौवा कराएको ज्याला पाकेको बेल पायो ॥

प्रिय प्रजातन्त्र तिमीलाई कुर्दाकुर्दै बुढो भएछु
सबैथोक जानेर कामै नलाग्ने मुढो भएछु ।
लोकतन्त्र, भोकतन्त्र, जोकतन्त्र भन न अरु के
जो भेट्यो त्यही च्याप्प समाउने फुँडो भएछु ॥

०००
स्याङ्जा