नेपाली हास्यव्यङ्ग्य अनलाइन पत्रिका

गल्ती अलिकति तरवारको पनि हुन सक्छ
गल्ती अलिकति दरबारको पनि हुन सक्छ

छँदा खाँदाको सत्ता सजिलै कहाँ पल्टन्छ र
गल्ती अलिकति सरकारको पनि हुन सक्छ

जुन घरमा रातदिन रडाको मच्चिन्छ
गल्ती अलिकति घरबारको पनि हुन सक्छ

न भन काल आएपछि सिपाहिको के लाग्छ
गल्ती अलिकति सरदारको पनि हुन सक्छ

कुरै नबुझी तिमी हाकिमलाई दोष दिन्छौ
गल्ती अलिकति खरदारको पनि हुन सक्छ ।

कास्की, पोखरा