बूँद रानाकलमको मेख मार्छु भन्छ बन्दुक
कलमको मेख मार्छु भन्छ हेर बन्दुकले !
सजिलै म कहाँ हार्छु भन्छ हेर बन्दुकले !
बदनाम भए पनि आफ्नो काम गरेकै छु,
मैले कहाँ झारा टार्छु भन्छ हेर बन्दुकले !
गाह्रो छैन सजिलो छ जनताको नाम जप्छु,
जनताकै झेंको झार्छु भन्छ हेर बन्दुकले !
अप्ठेरोमा जन्मेको हुँ अप्ठेरोमै रमाउँछु,
अप्ठेरोमा पार्छु–पर्छु भन्छ हेर बन्दुकले !
गति मुक्ति दिनलाई अर्घ पिण्ड चाहिंदैन,
सोझै बैतरणी तार्छु भन्छ हेर बन्दुकले !
मान्छे मार्न बन्दुकेले सिकाएर सिकेको हुँ,
खोजी–खोजी मान्छे मार्छु भन्छ हेर बन्दुकले !!
हाल : काठमाडौं
Subscribe
Login
0 Comments
Oldest
