नेपाली हास्यव्यङ्ग्य अनलाइन पत्रिका

मैले भात खाँदा हजुर भुजा ज्यूनार गरिसिन्छ,
म मेलो जाँदा हजुर अफिस सवार गरिसिन्छ ।

औकात बिर्सी थकाईले म अल्छी पो निदाउँछु !
हजुर त आँखा चिम्ली गहन विचार गरिसिन्छ ।

म जाबो त दुःखीलाई दुईचार पैसा दिने न हुँ !
हजुर टन्नै भेटि चढाई परोपकार गरिसिन्छ ।

यति सस्ता गरिब मान्छे मरुन् न त सडकमा !
आहा !! हजुर कुकुरलाई कस्तो प्यार गरिसिन्छ ।

हजुरले बोलेपछि नपत्याउने कुरै केही छैन !
घरको ईनार ‘सागर’ भनि बेलिबिस्तार गरिसिन्छ ।