नेपाली हास्यव्यङ्ग्य अनलाइन पत्रिका

पुराना कागजपत्र, पुस्तक, डायरी थन्क्याउने क्रममा एउटा डायरी भेटेँ । २०५१ सालको मेरो त्यो डायरीमा राजनीतिक पार्र्टीलाई व्यङ्ग्य शीर्षकमा छोप (मुक्तक) नाममा केहिकुछ लेखेको रहेछु । ०५१ असार १५ गते लेखिएका यी हरफ यहाँ जस्ताको तस्तै राखेको छु । असारको मध्य चटारोमा जनताजनार्दन खेती किसानीमा थिए होलान् म चैं राजनीतिको आकाशे खेती गरिरहेको रहेछु । म कवि त हैन, तर मलाई धेरैले पटके कवि भन्छन् वास्तवमा हो रैछ । ल त छोप पढ्नुस्, आफूलाई पनि ०५१ सालतिरै लगेर ।

काङ्ग्रेस :
सुकिला कुर्ता मुखमा पान,
गँजेडी गफमा कत्रो शान ।

एमाले :
बहुदलीय जनवादी, नौलो जनवादी एमाले,
शोकलाई शक्तिमा बदल्छौं भन्छन्
नुन खाएर झोक्रिएका यी भाले ।

राप्रपा :
ठूलठूला पेट झुसिलो डकार,
नयाँ प्रजातन्त्रवादी
पञ्चायतका खकार ।

संयुक्त जनमोर्चा ः
फुट फुट फुट हैन
इन्चि, इन्चि, इन्चि
मिटर कैले हुँदैन ।

सद्भावना :
धोती, कुर्ता र हिन्दी,
भारतका फिरंगी ।।

नेमकिपा :
नेमकिपा,
देश मरु झ्या ।
देशैभरि नभएको झ्याल)