नेपाली हास्यव्यङ्ग्य अनलाइन पत्रिका

खाजा बन्छ भुटेर खान्छ दुनियाँ केको अनौठो भयो ?
माटो उर्बरमा ऊ बन्दछ बियाँ केको अनौठो भयो ?

भाग्यो फुत्त कता चुसी रगत त्यो उफ्रेर के भन्दछौ ?
यस्तै कर्म थियो र गर्छ उपियाँ केको अनौठो भयो ?

हाम्रो निम्ति फलाम बन्छ बलियो यस्तै न हो सत्यता,
उस्को निम्ति चुनौति बन्दछ खिया केको अनौठो भयो ?

मेरो यो व्यबहारबाट जननी भन्दै थिइन् पुत्र हे !
एक्लै जाउ, नलेउ आज हँसिया केको अनौठो भयो ?

यौटै कारण हुन्छ बाबु नहुने सन्तुष्ट छोरीसित,
छोरो अन्तिमकाल गर्छ किरिया केको अनौठो भयो ?