गाेपाल काफ्लेभन्न त भन्छन्
सरकारमा बस्नेहरू राम्रो काम थाल्छु भन्छन्
भ्रष्टचारी नेताज्यूलाई सत्ताबाटै ढाल्छु भन्छन् ।
मेलम्चीमानै पानी छैन हाहाकार छ नेपालमा
जसरीनै जनताको घरमा बत्ती बाल्छु भन्छन् ।
देशका लागि लड्नेहरू डराउदैनन् मृत्युसँग
घाईते तिनै योद्धालाई राहत दिई पाल्छु भन्छन् ।
वीर तिनै गोर्खालीका बलिदानीको कदर गर्दै
कुर्सी मोह त्यागी छिट्टै नयाँ कदम चाल्छु भन्छन् ।
घरघरमा रोजगारी विकासको लहर खोली
विकृति र विसङ्गति नङ्ग्याएर फाल्छु भन्छन् ।
अनारमनी–७, सैनिकमोड, झापा
