नेपाली हास्यव्यङ्ग्य अनलाइन पत्रिका

एकजना ठूला नेताजी थिए । एकदिन उनको नजिकको एउटा कार्यकर्ताले पार्टी त्याग्यो र अर्कै पार्टीमा प्रवेश गर्यो ।

एउटा आमसभामा नेताजी कुर्लिए– त्यो डाँका हो । त्यो फटाहा हो । त्यो भ्रष्टाचारी हो । ऊ गएकोमा मलाई कुनै चिन्ता छैन । बरू ऊ जस्ताले पार्टी छोड्दा हाम्रो पार्टी स्वच्छ हुन्छ ।

दुईचार महिनापछि घुम्दैफिर्दै त्यो कार्यकर्ता पुरानै पार्टीमा फर्कियो ।
स्वागत समारोहमा नेताजी च्याँट्ठिए– यिनी त्यागी छन् । यिनी होनहार छन् । यिनी कञ्चन छन् । यिनी आएकोमा मलाई ठूलो गर्व छ । यस्ता असल व्यक्ति पार्टी फर्किंदा हाम्रो पार्टी लोकप्रिय हुन्छ ।

हेटौडा