आर.आर. चौलागाईंसिंहदरबारको पानी
कोही चास्नीमा डुबे कोही महमा डुबे कोही मोजमस्तीमा डुबे कोही ऐसआराममा डुबे कोही भोगविलासमा डुबे ।
आर. आर. चौलागाईं :
संसार बदल्न हिँडेका
राता मान्छेहरू
सिंहदरबार छिरेपछि बदलिए ।
कोही नीला भए
कोही पहेँला भए
कोही काला भए
कोही सेता भए
कोही फुस्रा भए ।
कोही सिंहबाट स्याल भए
कोही बाघबाट बिराला भए
कोही इस्पातबाट झोल भए
कोही वीरबाट काँतर भए
कोही खरायोबाट कछुवा भए ।
कोही चास्नीमा डुबे
कोही महमा डुबे
कोही मोजमस्तीमा डुबे
कोही ऐसआराममा डुबे
कोही भोगविलासमा डुबे ।
सिंहदरबारको पानी
यति धेरै कडा रहेछ कि
रातो रङ पखालिएर सबै अर्कै अर्कै भए ।
०००
२०८३ जेठ २
हेटाैँडा, मकवानपुर
हिजोको सत्ताको खरो खातिरदारी गरिएको क्रान्तिकारी कविता!