सुदन लुइटेलचराउने नगर्नु है !!
घरीघरी यता सदैव आउने नगर्नु है !
लुकेर छेउमा यता चियाउने नगर्नु है !!
कि भन्दिनु हुँदैन भो कि गर्दिनु फटाफट,
गरीब ब्यर्थमा सिधा झुलाउने नगर्नु है !!
म कृष्ण नै बनेर वस्त्र चोर्न पो पुगेँ भने,
यसैगरी तलाउमा नुहाउने नगर्नु है !!
फुलाउँला भनेर रोप्छु पारिजातको बुटा,
बगानमाथि कस्तुरी चराउने नगर्नु है !!
मणि बिहीन सर्प झैं म हुन्छु, पागलैसरी
म खोजुँला जतातता हराउने नगर्नु है !!
Subscribe
Login
0 Comments
Oldest
