नेपाली हास्यव्यङ्ग्य अनलाइन पत्रिका

गनोज मजुरेल जोक

इमेल र इन्टरनेटले मानिसलाई जति मोर्डन युगमा प्रवेश गराएको छ, त्यति नै यसका दुरुपयोगहरू बढ्दै गएका छन् ।

एकपटक यस्तो भयो कि एकजना मित्र घर छोडेर दुबई पुगे । त्यहाँ पुगेर छुट्टीको दिन आफ्नी श्रीमतीलाई इमेल पठाउने सोचे र साइबर क्याफेमा पसे अनि टाइप गरे । इमेल एड्रेस जो कागजमा लेखेको थियो, हराएछ । उनले सम्झिएको श्रीमतीको एड्रेसमा मेल सेन्ड गरे– गीता एट डामाडोल डटकम । तर एउटा लेटर ‘जी’ को ठाउँमा ‘एफ’ टाईप भएर फिता एट डामाडोल डटकममा इमेल पुग्यो ।

फिता एट डामाडोल डटकम ठेगाना यस्ती महिलाको परेछ, जसको श्रीमान एकहप्ता अगाडि मात्र देहान्त भएका थिए । गीतालाई पठाएको इमेल फिताकोमा पुग्यो । फिताले मेल बक्स खोलिन्, स्क्रिनमा नजर के लगाएकी थिइन, मेल देखेर बेहोस ।

भरखर छोरोको मृत्यृले शोक शन्तप्त परिवार आए । मेलबक्स खोलेर बुहारी भुईंमा लडिरहेकी छे । सबैजनाको नजर इमेलमा पुग्यो । इमेलमा लेखिएको थियो ः

‘प्रिय जिवन संगिनी,
म हिँड्ने बेलामा रुँदै थियौ, के गर्ने, बाध्यताको कुरो हो । म यहाँ आराम साथ आइपुगेँ । ज्यादै राम्रो ठाउँ रहेछ । आउँदो छुट्टीमा तिमीलाई पनि यतै लिन आउनेछु ।’

अन्तिम लाईन पढ्नासाथ बाबा आमा पनि बेहोस् ।

‘सम्भव भएछ भने, बृबा आमालाई अर्को महिना लिन आउँछु ।’
त्यसपछि सबैजना बेहोस् ।