नेपाली हास्यव्यङ्ग्य अनलाइन पत्रिका

१.
सङ्गतले काग कोइली बन्छ भन्छन् यहाँ
सङ्गतले बाघ साकाहारी बन्छ भन्छन् यहाँ
सबै कुरा यस्तै सङ्गतैले बन्ने भएपछि त हजुर
हरेक मान्छे पनि सङ्गतले नेता बन्छ यहाँ ।

२.
पहिले मान्छेले राम्रो काम गरेर भगवान बन्थ्यो रे
सेवा र मेहनतले हरेकले उन्नति गर्थ्यो रे
अचेल त जमाना पनि उल्टो भयो हजुर
पसिना बेच्ने त गाउँघरमा तिरस्कृत बन्छ रे !!

३.
सोझो कुरा गरेर तिमीले यतिका समय बितायौ
सोझो काम गरेर तिमीले यतिका साल गुजार्यौ
अब त भन्छन् दिन सकिए यस्ताका, तिम्रै सन्तानले
बेलैमा बुद्धि नपुर्याएर तिमीले ठूलो गल्ति गर्यौ ।

आँखिभुईं– ८, संखुवासभा