साइबर अपराध सम्बन्धी सचेतना सामग्री

यमराजको दिशा

Nepal Telecom ad

मेरो आमाको इश्वरसंग कुराकानी भयोकी भएन
भन्न मुश्किल छ
र म भन्न पनि सक्तिन
तर आमा ढुक्कले भन्नु हुन्थ्यो
लाग्थ्यो मेरो आमाको दिनहुँ इश्वरसंग कुराकानी हुन्थ्यो
र उहाँले इश्वरबाट पाएको सल्लाह अनुसार
जिंदगी जिउने र दुःख सामना गर्ने एउटा बाटो छ

आमाले एक पल्ट मसंग भन्नु भएको थियो
बाबु! दक्षिण तर्फ़ खुट्टा राखेर नसुत्नु
त्यो मृत्यु दिशा हो
यमराज क्रुद्ध हुन्छन
बुद्धिमानी त्यहि हो उत्तर सिरानी-दक्षिण खुट्टा राखेर नसुत्नु

त्यति बेला म बालक थिएँ
बाल जिज्ञाशा राखे, यमराजको घर कहाँ छ आमा ?
आमाले भन्नु भयो
तिमि जहाँ छौ बाबु त्यहाँ देखि दक्षिण बस्छन यमराज

आमाले सम्झाए पछि
दक्षिण दिशा खुट्टा राखेर म कहिल्यै सुतिन
र त्यस पछि मलाई यतीचै फाइदा भयोकी
हमेशा उत्तर-दक्षिण पहिल्याउने भए
त्यस पछि मेरो जिन्दगीमा अफ्ट्यारो दिन पनि आएन

म उत्तर-दक्षिण दिशाको देश-देशान्तर गए
त्यतिबेला मलाइ हमेशा आमाको याद आइ रहन्थ्यो
सिंगो उत्तर-दक्षिणको किनारा पहिल्याउन धौ थियो
त्यस कारण होला यमराजको घरचै भेटिन

तर आज भोलि जुन दिशामा खुट्टा राखेर सुते पनि
उत्तर-दक्षिण जस्तो हुन्छ
चारै दिशामा यमराजको आलीशान महल छ
सबै दिशामा एउटा मात्र आकृति छ
र त्यो आकृतिको भयानक र रौद्र आँखाले मलाई निहाली रहेको छ

अचेल आमा हुनुहुन्न
र यमराजको दिशा पनि फेरिएको छ
जुन दिशा आमाले मात्र जान्नु हुन्थ्यो ।

नुवाकोट, हाल : अल्हाम्ब्रा, क्यालिफोर्निया

Subscribe
Notify of
guest

0 Comments
Oldest
Newest Most Voted
Nepal Telecom ad
चम्चाको चमत्कार

चम्चाको चमत्कार

डा. बमबहादुर जिताली
ऐ जिन्दगी ! खबरदार !

ऐ जिन्दगी ! खबरदार...

लक्ष्मण नेवटिया
चैतकाे बाँदर

चैतकाे बाँदर

रामप्रसाद पन्थी
सासूससुरा पालैपालो हसुर !

सासूससुरा पालैपालो हसुर !

रणबहादुर बुढाथोकी ‘भैया’
0
Would love your thoughts, please comment.x
()
x