नेपाली हास्यव्यङ्ग्य अनलाइन पत्रिका

१.
पानी परेर भन्छन् मान्छे दिनै खराब भो
बानी परेर भन्छन् मान्छे मनै खराब भो
यस्तै रैछ यहाँ चलन दुनियाको हजुर
पाउनेलाई दुखका आँसु, दिनेलाई सराब भो ।

२.
हरेक पाइलामा म अचेल ठगिएको छु
हरेक गल्लीमा म अचेल कुटिएको छु
के भो र कुट्नु बुटिनुमा यहाँ अप्ठ्यारो ?
म त हरेक चुनाबमै लुटिएको छु ।

३.
तिम्रो पाइला परेको ठाउँ राम्रो भन्थ्यौ
तिम्रो छायाँ परेको गाउँ राम्रो भन्थ्यौ
पहिले तर अब त चुनाब सकेर होला
तिम्रो नाम परेको ठाउँ पनि अगति भन्छ्यौ ।

आँखीभुइँ– ८, संखुवासभा