नेपाली हास्यव्यङ्ग्य अनलाइन पत्रिका

उहिले उहिले मलाई लाग्थ्यो
नेतामाथि हामीले व्यङ्ग्य कस्नु पर्छ
अहिले बल्ल थाहा हुँदैछ
हामीले त नेताको सुस्वास्थ र दिर्घायुका लागि
बिहान बिहान प्रार्थना पो गर्नु पर्छ ।

हाम्रा कुनै पनि नेतालाई
कहिल्यै कुनै रोग नलागोस्
यो प्रार्थना तपाइँ हामीले
बिहान बिहान सधैं गर्नु पर्छ ।

किन भने, यदि ऊ बिरामी पर्यो भने
उपचार स्वदेशमा होस् या विदेशमा
आखिर त्यसको उपहार खर्च त
तपाइँ हामीले नै व्यहोर्नु पर्छ ।

त्यसैल नेतालाई सराप्ने होइन
सुस्वास्थ र दिर्घायुको कामना गर्नु पर्छ
हामीले बिहान बिहान प्रार्थना गर्नु पर्छ ।

बत्तिसपुतली, काठमाडौं