नेपाली हास्यव्यङ्ग्य अनलाइन पत्रिका

पाए जति सबै लतार्छन् हाम्रा देशका
नेता साह्रो गीलो नभनी
चाहे अलकत्रा नै भए पनि
तीन ढ्वाङ रित्याउँछन्
बरू कुल्ला गर्छन् मट्टीतेल मागी
हामीलाई सधैं एकादशी
उनीहरूलाई द्वादशी
उनकै हातमा कलम छ,
उनकै हातमा मसी
हामी भोका निमुखा
पेटमा पटुका कसी
तिनकै लागि सकिने भयो
हामीले कर तिरे जति
न काम छ न काज छ,
मात्र कुर्सीमा बसी
हामी जनताका निम्ति
सिन्कोसम्म भाँचेको
लौ भन त
के छ नेता तिमीसँग दसी ?

काठमाडौं