नेपाली हास्यव्यङ्ग्य अनलाइन पत्रिका

यो रङगभूमि हो, निलो आकाशको पाल छ
खेलाडीमा भन्दा, हेर्ने दर्शकमा ताल छ ।

खेलेकै छन् बल, हानेकै छन् गोल ‘गोलमा’
यो विश्वकप हो, गोल रक्षकमा काल छ ।

सञ्चालक उनै, रेफ्री र अम्पायर उनै
नीतिनियम उही, उसैको बोलबाल छ ।

को लाटो, को अन्धो, को अपाङ्ग, को सपाङ्ग ?
गति एउटै छ सबैमा एउटै चाल छ ।

खालै नउठोस् जुवाडेको, खेलून् बाह्रैमास ती
जित उसैको हो, उसैको हातमा माल छ ।

‘पानीमुनिको आकाश’ सङ्ग्रहबाट