नेपाली हास्यव्यङ्ग्य अनलाइन पत्रिका

सहिदको बलिदान प्रश्नमा
जनताको स्वाभिमान प्रश्नमा

खाडल भो हिजो र आजमा
अगुवाको परिधान प्रश्नमा

हातहरू “जगन्नाथ” निस्किए
भान्सेको छलछाम प्रश्नमा

“अधिकार मेरो कर्तब्य तेरो”
कारबाहीको लम्बेतान प्रश्नमा

लुट्ने पनि हदै, खप्ने पनि हदै
दुबै सज्जन र बेइमान प्रश्नमा

कस्तो स्वादिलो सत्ताको डोरी ?
घम्साघम्सी र तानातान प्रश्नमा

“आँखा तरी” भो आकाशको फल
दीर्घप्रतिक्षित संविधान प्रश्नमा

आँकडा समयमै राख्नु पर्ला
हाल मौजुद झ्यालखान प्रश्नमा

२०७१ कात्तिक
काठमाडौँ